മഴനനഞ്ഞവളൊരുകുടം വെള്ളവുമായ്

..............................................................



മഴനനഞ്ഞവളൊരുകുടം വെള്ളവുമായ്
..............................................................

നീലജലാശയത്തിലൊരു വെൺ-
ചന്ദ്രിക താമരതോണി തുഴഞ്ഞെത്തവേ,
നിറകുടം അരയിലൊതുക്കി
ഇടംകൈയാഞ്ഞുതുഴഞ്ഞെൻ ചന്ദ്രികയാളൊരു -
പുതുമഴനനഞ്ഞിളവെയിൽ കൊണ്ടും നടന്നുവന്നു.

മാനം കറുക്കും മഴമേഘമീ തെന്നലിൽ
മാറാപ്പുമായൊഴുകിയാകാശവീഥിയിൽ
മന്ദംമന്ദമായ് മൗനത്തിൻചിറകൊടിച്ചുച്ചത്തി -
ലാർപ്പുവിളികൾ മുഴക്കിയും
വെയിൽബാണമേറ്റന്തരം പൊള്ളീടുമീ,
ഭൂമിതൻ സ്വർണ്ണവർണ്ണചിത്രമെഴുതിയ
നാട്ടിടവഴിയോരത്തെ വയസ്സൻമാവിന്റെ,
ഒട്ടുനാളായുള്ളൊരാ, ദാഹമകറ്റീടുവാൻ
പെയ്തിറങ്ങിയൊരിടവപ്പാതിതന്നാർത്തനാദം
കേട്ടുകൊണ്ടുച്ചത്തിൽ വിളിച്ചോതിയെൻപാതിയും,
മഴതുടങ്ങീ മരങ്ങളും ചെടികളും വേലിക്കലെ ചെത്തിയും
ചെറുമഷിത്തണ്ടും മുളങ്കൂട്ടവുമരയാൽക്കൊമ്പും
നായ്ക്കളുമാടുമാഞ്ചില്ലയേറുമണ്ണാനും കിളികളും
ഇനി പച്ചയാം ഭൂമിതൻ ഹൃത്തടത്തിലൂർന്നിടം
കൊള്ളുംമഴവെള്ളമാർത്തിയോടെ പങ്കിട്ടു,

പിന്നെയുമീ ദുർവ്വിധിയോരോകുടംവെള്ളമേറെ ചുമന്നു,
ഞാൻ വന്നോരോദിനവുമായെത്രയാശ്വാസമീ മഴ.
പെയ്തൊഴിയാതെന്നിലേക്കാഴ്ന്നിറങ്ങട്ടെ;
എന്നുമീ ജീവതീർത്ഥത്തിനൊപ്പമാനന്ദമർന്നിരിപ്പൂ...

......... അമൽദേവ്.പി.ഡി........................

amaldevpd@gmail.com
http://www.facebook.com/amaldevpd
http://www.facebook.com/blankpage.entekavithakal