ബാല്യകാലദുരിതങ്ങൾ ചാടി കടന്ന് ലോകസിനിമയുടെ നെറുകയിലെത്തിയയാൾ.
ഒരുകാലത്ത് തന്റെ കഥകൾ തള്ളിക്കളഞ്ഞവർക്ക് മുന്നിലൂടെ, വാചികാഭ്യാസനത്തിലൂടെ, ഹാസ്യത്തിന്റെ സ്വാഭാവിക ആവിഷ്കാരസിദ്ധിയിലൂടെ മുൻനിരയിലെത്തി സ്വന്തമായ ഇടം കണ്ടെത്തിയ മനുഷ്യൻ.
ഒറ്റയിരിപ്പിന് വായിച്ചു തീർക്കണം എന്ന ആഗ്രഹത്തോടെയായിരുന്നു ചാർലി ചാപ്ലിന്റെ - എന്റെ ആത്മകഥ എന്ന പുസ്തകം വായിക്കാൻ തുടങ്ങിയത്.
വായിച്ചു തുടങ്ങിയിട്ട് ഒരു വർഷത്തോളമായി.
ഇപ്പോൾ റബ്ബർബാൻഡ് ഇട്ട ഭാഗം വരെ എത്തി.
കെ ആർ മീരയുടെ ആരാച്ചാർ, നാഗന്മാരുടെ രഹസ്യവും മെലുഹയിലെ ചിരഞ്ജീവികൾ തുടങ്ങിയ പുസ്തകങ്ങൾ ഒറ്റയിരിപ്പിന് വായിച്ചിട്ടുള്ളതാണ്.
ഈ വായനദിനത്തിൽ ഇനിയും വായിച്ചുതീർക്കാത്ത ചാർലി ചാപ്ലിന്റെ - എന്റെ ആത്മകഥ എന്ന പുസ്തകം രണ്ടുപേജുകൂടെ വായിച്ചുതീർത്തു മാറ്റിവെച്ചു.
വായനാദിനത്തിൽ പങ്കുചേർന്നു.
"വായനദിനത്തിൽ പൊടിതട്ടിയെടുത്ത പുറംചട്ടകളിൽ വിരിഞ്ഞ വായനയുടെ അതിഭാവുകത്വങ്ങൾ സ്റ്റാറ്റസുകളായി നിറയുന്ന ഈ കാലഘട്ടത്തിൽ വായനയുടെ പ്രാധാന്യം മാധ്യമങ്ങളിലൂടെയും നവ മാധ്യമങ്ങളിലൂടെയും അറിയാൻ കഴിയുന്നു എന്ന ആശ്വാസം"
amaldevpd@gmail.com
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ