യാത്ര

 യാത്ര ( അമൽദേവ് പി ഡി )

' യാത്ര ' അത് തുടങ്ങിയിട്ടുള്ളു...

ജീവിതമെന്ന ആഘോഷത്തിൽ

സന്തോഷവും ദുഃഖവും

ഒരു പേമാരിയായി

പെയ്തിറങ്ങിയപ്പോഴൊക്കെ.

ഓർമ്മക്കേടിൻ്റെ നീറ്റലിലൂടെ, 

വെയിൽ വീണുരുകിയുറച്ച,

വാകപ്പൂക്കൾ മാർദവമേറ്റിയ,

വഴികളിലൂടെ

ആ ഉത്സവാഘോഷം തുടരുകയായിരുന്നു... !

ചിലപ്പോഴൊക്കെ,

ഓർമ്മകൾ നിറഞ്ഞ

ശബ്ദങ്ങളിലൂടെ;

വേദനകളിലൂടെ...

ജീവിതമെന്ന

നിസ്സാരതയിലൂടെ.

എന്നിട്ടും,

എപ്പോഴൊക്കെയോ

ആ ദേശാചാരം

വഴിമറന്നിരുന്നു...

മയക്കം തട്ടിയുണർത്തിയ

പകലിൻ്റെ അറ്റത്ത്;

നീറി പുകയുന്ന

ഒരാത്മാവുണ്ട്.

ഇനിയൊരു പുറപ്പാടിന്

അടയാളം

ബാക്കിയില്ലാത്ത;

മരിച്ചിട്ടും തീരാത്ത

യാത്ര തുടരുന്ന...

അമൽദേവ് പി ഡി. ( യാത്ര... )

#yathra #mizhipakarppukal #blog