പുവിന് പുതുരാഗമേകി കാറ്റിന്നെന്നരികിൽ വിരുന്നു വന്നു

" മന്ദമാരുതൻതന്നിലെ
മന്ദസ്മിതം കേട്ടുഞാൻ
മൗനമായൊരുപാട്ടിലെ
മുഗ്ദസംഗീതം പോലവേ... "

നീ.....

കവിത - നീ......

നീയൊരു വേനലായിരുന്നു.
തളിരിട്ടയെ​​​ന്റെ
സ്വപ്നങ്ങളെ കരിച്ചുകളഞ്ഞ
കറുത്തവേനൽ.
നിന്നിലെ, ചുവന്നസുര്യ​ന്റെ
കിരണങ്ങളേറ്റുഞാൻ‍ തളർന്നു.
നിന്നിലൂടെ പുഴകൾ വറ്റി
നിന്നിലൂടെ ഇലകൾ കരിഞ്ഞു
നിന്നിലൂടെ വേരുകളുണങ്ങി
നിന്നിലൂടെ തീപടർന്നു.
-------------------------------------------
അമൽദേവ്.പി.ഡി
-------------------------------------------
http://www.facebook.com/amaldevpd
http://www.mizhipakarppukal.blogspot.in
amaldevpd@gmail.com

പൂരനാളിൽ ഓർമ്മകൾ കൊട്ടിക്കയറുമ്പോൾ

പൂരനാളിൽ ഓർമ്മകൾ കൊട്ടിക്കയറുമ്പോൾ
______________________________________________

പൂരമൊഴിഞ്ഞ മണ്ണിൽ
കാത്തിരിപ്പിന്റെ
ഹൃദയതാളം മാത്രം.

ഇലഞ്ഞിത്തറയിൽ
വെയിൽച്ചില്ലകൾക്കൊപ്പം
ഇലകൾ
നൃത്തമാടുന്നു.

തെക്കേഗോപുരനടയിൽ
ഇന്നും കേൾക്കാം
നിശബ്ദതയിലും ഒരു മേളപ്പെരുക്കം.

മഠത്തിൽവരവിന്റേയും
ഇലഞ്ഞിത്തറമേളത്തിന്റേയും
മേളപ്പെരുപ്പത്തിനൊപ്പം,
കുടമാറ്റത്തിന്റെ
വർണ്ണക്കാഴ്ച്ചകൾ നിറഞ്ഞ
വടക്കുന്നാഥന്റെ മണ്ണിൽനിന്ന്
കാതോർക്കുകയാണ്....

ശക്തന്റെ മണ്ണിൽ
അലിഞ്ഞുചേർന്ന
പൂരപ്പുറപ്പാടിന്റെ
താളമേളവാദ്യഘോഷങ്ങൾക്ക്
ചുവടുറപ്പിക്കാൻ
വടക്കുന്നാഥന്റെ തട്ടകത്തിൽ
മനസ്സുകൊണ്ടുണ്ട്
എന്ന പ്രത്യാശയിൽ...

പൂരക്കാലത്തിന്റെ
ഓർമ്മകൾ
കൊട്ടിക്കയറുമ്പോൾ,
ആൽമരച്ചോട്ടിൽ നിന്ന്
ആയിരങ്ങളുടെ
ആർപ്പുവിളികൾ
ഉയർന്നുപൊങ്ങുമ്പോൾ
അടുത്തപൂരത്തിന്
കാണാമെന്ന്
ഉപചാരം
ചൊല്ലിപ്പിരിയാൻ
കൊമ്പന്മാരും
ആൾക്കൂട്ടവും
വരുമെന്ന പ്രതീക്ഷയോടെ !

http://www.facebook.com/amaldevpd
amaldevpd@gmail.com

ഓർമ്മകൾ പെയ്തുതോരുന്പോൾ

ഓർമ്മകൾ പെയ്തുതോരുന്പോൾ
----------------------------------------

amaldevpd@gmail.com
http://www.mizhipakarppukal.blogspot.in
http:www.facebook.com/amaldevpd
Contact: Watsaap: 9400765782
amaldevpd@yahoo.in

ഓർമ്മകൾ പെയ്തുതോരുന്പോൾ

ഓർമ്മകൾ പെയ്തുതോരുന്പോൾ
----------------------------------------

മൗനമേഘമേ
മലർതിങ്കളായ് വരൂ...
മിഴിയിൽ തൊടുന്നുനിൻ
മഴപാടുമോർമ്മകൾ.

നീമറന്നുവോ
നി​ന്റെ സ്വപ്നവും
നി​ന്റെ മോഹവും
നി​ന്റെ രാഗവും...

ഓർമ്മപാടുമീ
തീരമാകവേ,
തിരയായുണർന്നിടാം
മനസ്സേ നീവരൂ...

നൊന്പരങ്ങളിൽ
നിഴൽ വേഗമായി നീ
ചേർന്നുവെങ്കിലും
ചാരെയില്ലയോ...

തളർന്നുപോകിലും
നിറങ്ങൾ മങ്ങിയും
കടങ്ങളായിതാ,
സ്നേഹദീപകം...

വിടർന്ന കൺകളിൽ
വിലോല പൗർണമി
വിദൂരെയാകവേ,
വിമൂകമെൻ‍ മനം...

എങ്ങുപോകിലും
വെയിൽകിനാക്കളേ
വിരുന്നുവന്നിതാ,
പകൽ ചില്ലതേടുമോ...

വാടിവീഴുമീ
ചുവന്നപൂക്കളിൽ
വസന്തമേളകൾ
തീർക്കുമാശകൾ...

നിത്യമൗനമേ...
നീയൊരോർമ്മയായ്
പെയ്തുതോർന്നിതാ,
പ്രേമഗന്ധമായ്...

നീയകന്നുപോയ്
നിലാവുമാത്രമായ്
നിദ്രയറ്റുഞാൻ‍
കാത്തിരിപ്പിലായ്...

--------------------------------
അമൽദേവ്.പി.ഡി
--------------------------------

amaldevpd@gmail.com
http://www.mizhipakarppukal.blogspot.in
http:www.facebook.com/amaldevpd
Contact: Watsaap: 9400765782
amaldevpd@yahoo.in

മഴ - ഇഷ്ടം ❤️

മഴയുടെ താളത്തിൽ
തരളിതമാമൊരു,
കരളിലെയനുരാഗ-
ക്കഥപ്പറയാം...
കുളിരുന്നോരോർമ്മയിൽ
നനയുന്നു ഞാനിന്ന്
മഴചാറുമിടവഴിയോരങ്ങളിൽ,
ഇടറാതെ ഞാനൊന്ന്
ചൊല്ലിയനേരത്ത്
മഴയുടെയീണത്തിൽ
പാടുന്നുനീ....

മഴ - ഇഷ്ടം ❤️

നിയതികൾക്കുമേലെ...

നിന്റെ സ്വപ്നങ്ങൾക്ക് ചിറകുകൾ നൽകാൻ എനിയ്ക്കാകില്ല.

നിന്റെ നിഴലായി നടക്കാൻ
നിന്നോടൊപ്പമാകാൻ
എന്റെ നിയതികൾ എനിക്കിടം നൽകുന്നില്ല.

ആകാശത്തിനും ഭൂമിയ്ക്കുമിടയിൽ
അനന്തമായ
ആനന്ദത്തിന്റെ ഉൾച്ചുഴികളിൽ
ഞാനെന്നെ സ്വയമർപ്പിക്കുകയാണ്.

മേഘക്കീറുകൾക്കിടയിലൂടെ
എന്റെയാത്മദാഹത്തെ ശമിപ്പിക്കാൻ
ഊഴ്ന്നിറങ്ങിയ,
സൂര്യകിരണങ്ങൾക്കുനേരെ
ഞാൻ കണ്ണടച്ചു.

വെയിലാർത്തുപ്പെയ്യുകയായിരുന്നു,
വിടരാൻ കൊതിക്കുന്ന
വിരഹനോവുകൾക്ക് വിടനൽകി
അതിരൂക്ഷമായ
ആനന്ദത്തിലൂടെ നീന്തുകയായിരുന്നു ഞാൻ .

amaldevpd@gmail.com
Http://www.mizhipakarppukal.blogspot.in
Http://www.facebook.com/amaldevpd