കാല്പാടുകൾ - എഴുതിയത് - അമൽദേവ് പി. ഡി

കാല്പാടുകൾ ..................... സ്വപ്നങ്ങൾക്ക് മീതെവിരിച്ച പട്ടുകുപ്പായങ്ങൾ ചിതലരിച്ചിരുന്നു. ഭൂതകാലത്തിന്റെ സ്മരണകളിരമ്പുന്ന ചിറകറ്റ ഓർമ്മകൾക്ക് നടുവിൽ നഗ്നനായി ഞാൻകിടന്നു. അഭ്രപാളികളിൽ മിന്നിമറയുന്ന വേഷങ്ങൾപോലെ, ഞാനെടുത്തണിഞ്ഞമുഖം ഏറെ വികൃതമായിരുന്നു. മോഹങ്ങൾക്കടയിരിക്കാൻ ജീവിതവണ്ടിയിലേറിയുള്ള യാത്രകളിടം നൽകിയില്ല. സമയചക്രത്തിന്റെ വേഗതയിൽ ലക്ഷ്യമറ്റചിന്തകളുമായി വിയർപ്പൊപ്പി യാത്രതുടർന്നു. ഒടുവിൽ നഷ്ടബോധത്തിന്റെ കണക്കുപുസ്തകത്തിൽ പൂജ്യങ്ങൾ സമ്മാനിച്ച ജീവിതം . കൈവിട്ടുപോയകനലുകൾ തീഗോളമായാളിപ്പടർന്നപ്പോൾ ചിരിപടർന്നമുഖങ്ങളെനോക്കി, വൃഥാകരഞ്ഞുതീർത്തു. നിത്യസത്യമായവശേഷിച്ച കാല്പാടുകൾക്കരികിലിരുന്ന് കഥമെനഞ്ഞ നിഴലുകൾ, കനലെരിഞ്ഞുതീർന്ന മനസ്സിന്റെ നൊമ്പരപ്പാടുകൾ കാണാതെപോയതെന്തേ ? .............................. ............................. അമൽദേവ് പി. ഡി .............................