romance

സുപ്രഭാതം

സുപ്രഭാതം...

വീട്ടില്‍ എത്തുമ്പോഴൊക്കെ മുറ്റത്തെ പൂന്തോട്ടത്തില്‍ വിരിഞ്ഞു നില്‍ക്കുന്ന പൂക്കളുടെ ചിത്രങ്ങള്‍ എടുക്കുക എന്നതാണ് എന്‍റെ പ്രധാന ജോലി..
ഇത്തവണ ചിത്രങ്ങള്‍ക്ക് പകരം വീഡിയോ തന്നെ ആകാം എന്ന് വച്ചു.

കനകാംബര പൂവ്

കനകാംബര പൂവ്
കനകാംബര പൂവ്
::::::::::::::::::::::::::::::::

"ഓറഞ്ച് നിറത്തിൽ നിറയെ പൂത്തു നിൽക്കുന്ന കനകാംബരപൂവ് എന്നുമെനിക്ക് കൗതുകമായിരുന്നു. വേനൽ കാലമാകുന്നതോടെ കനകാംബരചെടി പൂവിടുന്നതോടെ മുറ്റത്തെ പൂന്തോട്ടത്തിൽ മറ്റൊരു അതിഥിയായി കനകാംബരപ്പൂവ് വിടരും... കുട്ടിക്കാലത്തെന്നപോലെ ഇപ്പോഴും എന്റെ മനസ്സിൽ സ്ഥാനം പിടിച്ചിരിക്കുന്ന പൂക്കളിലൊന്നാണ് കനകാംബരപ്പൂവ്. പതിവുപോലെ ഒരു ഒഴിവു ദിവസം വീട്ടിലെ പൂന്തോട്ടത്തിൽ വിരിഞ്ഞ പൂക്കളുടെ ചിത്രങ്ങൾ എടുക്കവേ എന്നെ ആവാഹിച്ച് ഓറഞ്ച് നിറത്തിൽ വിരിഞ്ഞു നിൽക്കുന്ന കനകാംബരം എനിക്ക് സമ്മാനിച്ച ഓർമ്മകൾക്കൊപ്പം കുറച്ചു നേരം.

കുറച്ചു വിവരണങ്ങൾ:
കടപ്പാട്: വിക്കിപീഡിയ
::::::::::::::::::::::::::::::::::::::::::::
കനകാംബരം. ഈ ചെടിയുടെ പൂക്കൾ മാല കോർക്കുന്നതിനായി ദക്ഷിണേന്ത്യയിൽ, പ്രത്യേകിച്ച് തമിഴ്‌നാട്ടിൽ വളരെയധികം ഉപയോഗിക്കുന്നു.
ഇൻഫുൻഡിബുലിഫോർമിസ് (Crossandra infundibuliformis)എന്ന ശാസ്ത്രീയനാമമുള്ള ഒരു സസ്യമാണ്‌
ഈ സസ്യം തമിഴിൽ കനകാമ്പരം (கனகாம்பரம்) എന്നും മറാഠിയിൽ ആബോലി (आबोली) എന്നും അറിയപ്പെടുന്നു.
യെല്ലോ ഓറഞ്ച്, ലൂട്ടിയ യെല്ലോ, ഡൽഹി, സെബാക്കുലിസ് റെഡ്, എന്നിവയാണ്‌ കനകാംബരത്തിലെ പ്രധാന ഇനങ്ങൾ. ഏകദേശം 1 മീറ്ററോളം പൊക്കത്തിൽ വളരുന്ന ഒരു നിത്യഹരിത ഉദ്യാന സസ്യം കൂടിയാണ്‌ കനകാംബരം. നീല നിറത്തിലുള്ള കനകാംബരവും നാട്ടിൻപുറങ്ങളിൽ കണ്ടുവരാരുണ്ട്.
ചെടി നട്ട് ഏകദേശം രണ്ട് മൂന്ന് മാസത്തിനുള്ളിൽ പൂക്കാൻ തുടങ്ങും. വർഷം മുഴുവൻ പൂക്കൾ തരുന്ന ഈ ചെടിയിൽ മഴക്കാലത്ത് പൂക്കൾ കുറവായിരിക്കും.
:::::::::::::::::::::::::::::::::::::::::::::::::::
കനകാംബര പൂവ്
അമൽദേവ് പി.ഡി

www.mizhipakarppukal.blogspot.in
http://www.facebook.com/entekavithakal

ശീമക്കൊന്ന പൂവ്

ശീമക്കൊന്ന പൂവ്

          പഠനത്തിന്‍റെ  ഇടവേളകള്‍ ധന്യമാക്കുവാന്‍ ഓടികിതച്ചെത്തുന്ന കുട്ടി കൂട്ടങ്ങളെ വരവേല്‍ക്കാന്‍ ഒരുങ്ങി നിരവധി മധുരനിമിഷങ്ങളുണ്ടാകും നമ്മുടെ നാട്ടിന്‍പുറങ്ങളില്‍.  മഴയും മഞ്ഞും മാറി വെയില്‍ നിറഞ്ഞ ഇടവഴികളിലൂടെ വട്ടുരുട്ടിയും പമ്പരം കൊത്തിയും ഗോലികളിച്ചും പൂക്കളിറുത്തും തൊടിയിലിറങ്ങി തോട്ടിന്‍വക്കത്തിരുന്നു  മീന്‍ പിടിച്ചതും എല്ലാം, ഇന്നത്തെ നല്ലോര്‍മ്മകളായ നല്ല നിമിഷങ്ങള്‍.  ഇന്നത്തെ പോലെ തന്നെ കുട്ടിക്കാലത്തും  ശീമക്കൊന്ന പൂവ്  എനിക്ക്  നല്ല മധുരനിമിഷങ്ങളും ഓര്‍മ്മകളും സമ്മാനിച്ചിരുന്നു.
        എന്‍റെ വീടിന്‍റെ അതിരുകളില്‍ നിറസാന്നിധ്യമായിരുന്നു  ശീമകൊന്ന മരം, മാര്‍ച്ച്‌ മാസമാകുന്നതോടെ നിറയെ പൂത്തു തളിര്‍ക്കുന്ന ശീമക്കൊന്നമരത്തിന് ഒരു പ്ലാവിന്‍ തടിയോളം തടിയും ശക്തിയും ഉണ്ടായിരിന്നു, ഞങ്ങളുടെ അവധിക്കാലങ്ങളിലെ വൈകുന്നേരങ്ങളില്‍ ഊഞ്ഞാല്‍ കെട്ടിയാടാനും - കുഞ്ഞു വീട് വച്ച് കളിക്കാനും  ആ ശീമകൊന്ന മരവും അതിന്‍റെ തണലും  ഞങ്ങള്‍ക്ക് വലിയ ആശ്രയമായിരുന്നു. അന്നെല്ലാം എന്നെയേറെ ആകര്‍ഷിച്ചിരുന്ന ആ പൂക്കാലം, ആ കൊന്നപൂക്കാലം  എനിക്ക് എന്നും പ്രിയമുള്ളതായിരുന്നു.   കാലമേറെ ചെന്നപ്പോള്‍ പ്രായമേറിയ കൊന്നമരം അതിന്‍റെ വളര്‍ച്ചയെ മറന്നു പൂവിടാനും.  അതിരുകളില്‍ പുതിയ ചെടികളും മരങ്ങളും സ്ഥാനം പിടിക്കവേ, ഞങ്ങളുടെ നല്ല നിമിഷങ്ങള്‍ ഓര്‍മകളായി രൂപാന്തരപ്പെടുക കൂടിയായിരുന്നു.
       ഇന്ന് വേലികളില്‍ കൊമ്പ് കുത്തി വളര്‍ന്ന ആ ചെറിയ മരങ്ങളില്‍ നിറയെ കൊന്നപൂവുകള്‍ കാണുമ്പോള്‍ കാലമിത്ര  കഴിഞ്ഞു പോയിട്ടും , ഞങ്ങള്‍ അറിയാതെ പിരിഞ്ഞു പോയ ആ കൊന്നമരത്തണലും ഇടവഴികളും കുഞ്ഞുവീടുമെല്ലാം ഓര്‍മ്മയുടെ ചില്ലുകൊട്ടാരത്തില്‍ പൂത്തു തളിര്‍ക്കുകയാണ്.

വിക്കിപീഡിയ വിവരണം>>>>
കടപ്പാട് വിക്കിപീടിയ:

ഫബാസിയ (fabaceae) എന്ന കുടുംബത്തില്‍ ഉള്‍പ്പെടുന്ന ചെറുമരമായ ശീമക്കൊന്ന നമ്മുടെ നാട്ടിന്‍പുറങ്ങളിലും മറ്റും പറമ്പുകളില്‍ അതിരുകള്‍ കെട്ടിത്തിരിക്കുന്നതിനു വേലികളായി കൊമ്പുകള്‍ കുത്തി നട്ടുവളര്‍ത്തുന്നു.
ശീമകൊന്നയില്‍ ഉണ്ടാകുന്ന പൂവ് (ശീമകൊന്നപൂവ്) പറയത്തക്ക ഗന്ധമോന്നും ഇല്ലെങ്കിലും വേലികളില്‍ പൂത്തു തളിര്‍ത്തു നില്‍ക്കുന്നത് കാണുന്നത് ആനന്ദകരമായ കാഴ്ച്ചയാണ്. മരത്തിന്‍റെ ഇലയില്ലാത്ത കൊമ്പുകളുടെ അറ്റത്തായാണ് കൊന്നപൂവ് ഉണ്ടാകുന്നത്. ഈ ചെടിയുടെ ജന്മദേശം മധ്യ അമേരിക്കയാണ്.


www.mizhipakarppukal.blogspot.in
http://www.facebook.com/amaldevpd
http://www.facebook.com/blankpage.entekavithakal
amaldevpd@gmail.com

www.mizhipakarppukal.blogspot.in

ഏഴരപൊന്നാന ദര്‍ശനം: ഏറ്റുമാനുരപ്പശരണം.

ഏഴരപൊന്നാന ദര്‍ശനം: ഏറ്റുമാനുരപ്പശരണം.

ഏറ്റുമാനൂരപ്പനെ തൊഴാന്‍ പോകുമ്പോഴോക്കെയും വിചാരിക്കും ഏഴരപൊന്നാന എഴുന്നള്ളിപ്പ് നടക്കുമ്പോള്‍ പോകണം, ഭഗവാനെ തൊഴണം എന്നൊക്കെ, ഇത്തവണ ആ ആഗ്രഹം സാധിച്ചു....!
>
>
വിക്കിപീഡിയയില്‍ നിന്നും ശേഖരിച്ച കുറച്ചു വിവരങ്ങള്‍ ചേര്‍ക്കുന്നു>>>

കടപ്പാട് വിക്കിപീഡിയ:

കോട്ടയം  ജില്ലയിലെ ഏറ്റുമാനൂർ ക്ഷേത്രത്തിലെ ഏഴ്‌ വലിയ ആനകളുടെയും, ഒരു ചെറിയ ആനയുടെയും സ്വർണ്ണത്തിൽ നിർമ്മിച്ച പൂർണ്ണരൂപത്തിലുള്ള പ്രതിമകളാണ്‌ ഏഴരപ്പൊന്നാന എന്നറിയപ്പെടുന്നത്‌. പ്ലാവിൻ തടിയിൽ നിർമ്മിച്ച ഈ ആനകളെ സ്വർണപാളികളാൽ പൊതിഞ്ഞിരിക്കുന്നു. വലിയ ആനകൾക്ക്‌ രണ്ടടിയും ചെറിയ ആനയ്‌ക്ക്‌ ഒരടിയുമാണ്‌ ഉയരം. ഏറ്റുമാനൂർ ക്ഷേത്രത്തിലെ എട്ടാം ഉത്സവനാളായ കുംഭമാസത്തിലെ രോഹിണി നക്ഷത്രത്തിനാണ്‌ പ്രസിദ്ധമായ ഏഴരപ്പൊന്നാന എഴുന്നള്ളിപ്പ്‌ നടത്തുന്നത്. അന്നേ ദിവസം ഏറ്റുമാനൂർ തേവർ ക്ഷേത്ര മതിൽക്കകത്തെ പടിഞ്ഞാറെ മൂലയിലെ ആസ്ഥാന മണ്ഡപത്തിൽ ഏഴരപ്പെന്നാന ദർശനം നൽകി എഴുന്നള്ളിയിരിക്കുന്നു.

ചരിത്രം:           തിരുവിതാംകൂർ മഹാരാജാവ്‌ അനിഴം തിരുനാൾ മാർത്താണ്ഡവർമ്മയാണ്‌ ക്ഷേത്രത്തിന്‌ ആനകൾ കാഴ്‌ചവച്ചത്‌. അഷ്ട്ടദ്വിഗ്ഗ് പാലകരെയാണീഎട്ട് ഗജങ്ങളായി സങ്കല്പ്പിച്ചിരിക്കുന്നത് അതിൽ വാമനൻ ചെറുതായതിനാൽ അരപ്പോന്നനായി, ഈ അര പൊന്നൻറെ പുറത്തഅണ് ഭഗവാൻ ആസ്ഥാന മണ്ഡപത്തിൽ ഇരികുന്നത്...!

ഏഴരപൊന്നാന ദര്‍ശനം:        ഏഴരപ്പൊന്നാന വർഷത്തിൽ കുംഭമാസത്തിൽ മാത്രമാണ് ഭക്തരുടെ ദർശനത്തിനായി പുറത്തെടുക്കുക. ക്ഷേത്രത്തിലെ ആസ്ഥാ‍ന മണ്ഡപത്തിൽ അർദ്ധരാത്രി 12 മണിക്കാണ് ഏഴരപ്പൊന്നാന ദർശനം നടത്തുന്നത്. പൊന്നാനകളെ ദർശിച്ചു കാണിക്കയർപ്പിച്ച് ഏറ്റുമാനൂരപ്പനെ പ്രണമിക്കാൻ ആയിരങ്ങൾ അന്നു ക്ഷേത്രത്തിലെത്തും. ഏഴരപ്പൊന്നാന ദശർനത്തിലൂടെ സർവ്വൈശ്വര്യവും സിദ്ധിക്കുമെന്നാണ്‌ വിശ്വാസം.


ഏഴരപൊന്നാന ദര്‍ശനം: ഏറ്റുമാനുരപ്പശരണം.
http://mizhipakarppukal.blogspot.in/
http://www.facebook.com/amaldevpd
http://www.facebook.com/blankpage.entekavithakal
amaldevpd@gmail.com

മൃഗജന്മം...

മൃഗജന്മം...
:::::::::::::::::::::


കണ്ണുകളിൽ കത്തിപ്പടർന്ന
തീഗോളം,
വിശപ്പിന്റെ നീർച്ചുഴിയിലേക്ക്
ആളിപ്പടർന്നു.
പണ്ടെങ്ങോ ഓർമ്മയിൽ
മാതൃഭാവമുയിർകൊണ്ട-
മ്മപകർന്ന,
മുലച്ചുരന്നു വിശപ്പടക്കിയ
നിമിഷങ്ങൾ...
രാവേറെയായ്
തളർന്നുറങ്ങുവാനി-
ന്നീ,ദേഹം കൊതിച്ചിടുന്നു.
പകലന്തിയോളം
ഞാനീ വഴിയിൽ കാത്തിരുന്നു,
എനിക്ക് ചേർന്നോരിരയു-
മീവഴി വന്നീല...
കണ്ണിലെ തീക്കനൽ
ചൂളയിൽ കനത്ത
വിശപ്പുമായി,
ഒരുനിമിഷമെല്ലാം
മറന്നു ഞാൻ...
ഹേ... മനുഷ്യാ...
വയ്യ നിന്നുടലിൻ
മധുരമേറിടും
രുചിയറിയുവാനല്ല
വയറു കത്തിയെരിയുന്ന
നിമിഷം...
നിന്റെ ജീവന്റെ
ഉള്ളിൽ കനക്കുന്ന
വിശപ്പിന്റെ കനലെരിയുന്ന
നേരം,
നീയും അറിയാറില്ലേ...
നീയുമെൻ വംശത്തെയും
കൊന്നുതള്ളാറില്ലേ.
നീയുമെത്ര
മാംസാഹാരിയാണ്...
എന്റെ തോലുരിഞ്ഞു
നീ നിന്നെയും
നിന്റെ ഭവനവും
അലങ്കരിച്ചു...
നീയൊരു മനുഷ്യനല്ലേ...
ഇവിടെ നിന്റെ
രാജകീയ വാഴ്ചയിൽ
വീണുടയുന്നതെത്ര
മനുഷ്യജന്മം...
ഞാനൊരു ജന്മം
മൃഗജന്മം
ജന്മം കൊണ്ടൊരു
മൃഗജന്മം...
നീയൊരു ജന്മം
മൃഗജന്മം
ജന്മം കൊണ്ടൊരു
മനുഷ്യജന്മം...
നീ നിന്റെ അറിവിനെ
മൂടിപ്പുതച്ചുകൊണ്ടീ,
രാജവീഥിയിലൊരു
രാജാവായ്‌ വാഴുന്നു.
എന്റെയറിവ് കാടാണ്
നീ വെട്ടിവെളുപ്പിക്കുന്ന
നീ അതിരുകെട്ടി,
തിരിക്കുന്ന
നീ മണ്ണിട്ട്‌ മൂടുന്ന
നീ കൊന്നു കളയുന്ന
നിറയെ തണലും തണുപ്പും
വന്മരങ്ങളും കാട്ടരുവികളും
കിളികളും ഞാനുമുൾപ്പെടെ എത്ര മൃഗങ്ങൾ...
എത്രമാനോഹരമീ ജന്മം...
ഇന്നു ഞാൻ ചെയ്ത
പാപമെന്തെന്നു
പറയു നീ...
എന്നെ നീ നിന്റെ
കാവൽ ഭടന്മാരെ കൊണ്ടു
വെടിവെച്ചു വീഴ്ത്തി,
നിനക്കെന്തു കിട്ടി മനുഷ്യാ...
നീ എന്റെ ഭൂമിയിൽ
കടന്നു വന്നു സർവ്വവും
വെട്ടിനിരത്തിയും
കുന്നുകളിടിച്ചും
ഞങ്ങളുടെ കാടും
മലകളും കയ്യടക്കി.
ഇനി ഞങ്ങൾക്കിരതേടാൻ
ഇവിടേയ്ക്ക് വരേണ്ടതുണ്ട്.
എന്റെ കാലുകൾ
വരിഞ്ഞു കെട്ടി
നിങ്ങളെന്നെ
കൊണ്ട് പോകുന്നു
ചത്തുമലർന്ന എന്നെയിപ്പോഴും
പേടിയാണോ മനുഷ്യാ...
പാമ്പിൻതോലണിഞ്ഞ
ഇരുകാലി മൃഗമേ,
നിന്റെ കണ്ണുകളിൽ
തെളിഞ്ഞ തീനാളം
എരിച്ചു കളഞ്ഞത്
ജീവിതമെന്ന അഭിലാഷത്തെ
ഇനിയും സ്നേഹിച്ചു
തീരാത്ത കുടുംബത്തിന്റെ
അടിവേരാണ്...
നിന്റെയാർഭാടപൂരിത-
ജീവിതത്തിൽ
നീചെയ്ത പാപങ്ങ-
ലേറ്റു വാങ്ങാൻ,
സർവ്വപാപങ്ങളിൽ
നിന്നും മുക്തി നേടാൻ,
വിധിനിനക്കിപ്പോൾ
ഒരവസരം തന്നിരിക്കുന്നു...
നീ,ച്ചവിട്ടിയരച്ച
നീവെട്ടിവീഴ്ത്തിയ
നന്മമരത്തണലിൽ
നിന്നൊരിലപോലുമേകില്ല
നിനക്കൊരു ദയാപൂരിത
മൊരുനോട്ടമെന്നോർക്കുക നീ.
ഉന്നതാധികാരരൂപങ്ങൾ
രാഷ്ട്രീയകോമാളിത്തരം
കത്തിയാളുന്ന
കറുത്തകണ്ണടവച്ചവർ
നിനക്കായ് കച്ച കെട്ടിയേക്കാം,
മറക്കരുത് നീ...
ഇനിയൊരുവിധി
നിനക്കായുഴിഞ്ഞിടാൻ
ഇവിടെ ദൈവമില്ലെന്നോർക്കണം.
ഹേ...മനുഷ്യരൂപമണിഞ്ഞ
മൃഗമേ...
ഓർക്കുക നീ...
:::::::::::::::::::::::::::::


മൃഗജന്മം...
:::::::::::::::::::::
(അമൽദേവ്.പി.ഡി)
മൃഗജന്മം...
www.mizhipakarppukal.blogspot.in

http://www.facebook.com/amaldevpd

Amaldevpd@gmail.com

ജന്മമന്ത്രം...

ജന്മമന്ത്രം...
(എഴുതിയത് - അമൽദേവ്.പി.ഡി)
::::::::::::::::::::

ഈ ജന്മദീപ-
മണയാതിരിപ്പു,
നിൻ പ്രേമഗംഗയി-
ലെൻ കാമ,
മോഹങ്ങളസ്തമിപ്പു.
നീളും വിചനമാം
ധരണിതൻ മാറി-
ലുദിരുന്ന മിഴിദീപ,
മൊരുകൊടുങ്കാറ്റേറ്റ-
ണയാതിരിപ്പു...
ഉരുളും കാലചക്ര-
മിടയുന്നു ജീവിത,
സത്യമായ് മാറുന്ന
നിഴൽ വേഗമായ്‌.
കെട്ടിയാടുന്ന
വേഷങ്ങളൊട്ടുമേ,
ചേർന്നതില്ലിനിയുമീ
കാലമെത്ര പോകിലും.
തപ്തമോഹങ്ങ-
ളുരചെയ്ത പാപങ്ങൾ
സ്നിഗ്ധമാം
പ്രേമകാവ്യങ്ങൾ
പോലെയായ്...
നെഞ്ചിലുണരുന്ന
ആത്മമന്ത്രങ്ങളെ,
തട്ടിയുടയുന്നു
വശ്യമോഹങ്ങളും.
മൗനം ഭജിച്ചു കൊണ്ടാ-
സുരലോകവൃന്ദങ്ങ,
ളെതന്റെ ജന്മ -
ജന്മാന്തര പാപങ്ങൾ തൻ
സുകൃതം പേറുന്ന
ഭാണ്ഡമേല്പ്പിച്ചു
ഞാൻ മടങ്ങവേ,
കത്തിയാളുന്ന
വെയിൽനാളമൊന്നേറ്റു
പിടയുന്നൊരെന്നാത്മാവിൻ,
തപ്ത ശിലപോലുരുകുന്നു
പ്രേമഭാരമേറിടുമെൻ
നെഞ്ചകം...
നിത്യമുരുവിടും
സത്യങ്ങളെ താണ്ടി,
ചെന്നതാമീ-
വേഷങ്ങളിൽ
ജന്മമന്ത്രങ്ങൾ
ജപിച്ചുകൊണ്ടാ-
ച്ചുടലതൻ സത്വമായ്
മാറാതിരിപ്പു...
:::::::::::::::::::::::::::::::::

ജന്മമന്ത്രം...
(എഴുതിയത് - അമൽദേവ്.പി.ഡി)

www.mizhipakarppukal.blogspot.in
http://www.facebook.com/blankpage.entekavithakal
http://www.facebook.com/amaldevpd
Amaldevpd@gmail.com